慢煮工業 (已結業)

太子有兩間慢煮工業，今次同朋友約咗嚟太子道西呢間。大概晚上八點去到，都幾多人，開咗咁耐，受歡迎程度一直都冇減卻👍🏻呢度裝修走工業風，燈光微暗，幾有格調😚三點嘅選擇都唔少，而且仲好抵食🍴食物價錢真係好親民🥹菲力牛扒配芝士($128)牛朳偏厚身，肉質軟嫩又juicy，上面仲有蒜蓉同香草令效果更香🤤難怪個個嚟到都食扒。伴碟仲有沙律菜，中和肉膩。滿蜆肉蝴蝶粉($98)好大碟🤩無論蜆肉定蝴蝶粉都好多，如果想再豐富啲嘅，可以加錢要double蜆肉🆙蜆係細細隻咁，不過食得出係新鮮，同埋完全冇沙好乾淨👍🏻而且個汁用咗蒜同香草調味，又夠creamy，令每一啖粉都可以沾上。蝦籽雞翼($48)黑松露芝士薯條($38)小食都用小鐵罐裝住，幾得意😎 雞翼炸至脆口乾身，加埋蝦籽都幾夾，多咗少少鮮味鹹香，仲有少少辣味😊外間少有食到呢種口味，配埋蛋黃醬可以點嚟食。而黑松露芝士薯條個味道都好濃郁，會食唔停口🍟荔枝接骨木特飲($38)口味清爽，配以上味道較為濃郁同埋炸物啱晒🍹