進達餐廳

營業中

休息中

原來屯門都有好食的西餐廳，今晚就同朋友一齊來食呢間位於藍地的西餐扒房，價錢相宜合理，款式眾多。Dinner set 有多款可供選擇，價錢由一百幾至二百一個套餐，已經包咗餐湯餐包，主菜等。餐廳先上餐包，熱騰騰的，軟熟香甜，鬆軟美味，有淡淡的牛油香味。餐湯係濃郁的羅宋湯，配菜份量多，有蘿蔔，椰菜等。燒豬鞍扒，份量夠大，燒得剛好熟，肉汁多，肉質嫩滑有口感，豬肉味濃郁。鐵板羊西冷，用鐵板上可以保持熱度，配菜多而清爽，翠玉瓜厚身軟稔，羊西冷肉質偏軟稔，肥瘦適中，無羊羶味，煮得入味煙韌，同醬汁味道好夾。