Marco's Oyster Bar & Grill (已搬遷) 新店位置

平日都唔會點行呢區，但見第二日假期，就過黎行下街食下飯，無意中見到呢間餐廳。餐廳係西九龍中心入面，地鐵行過去都好快，十分鐘左右，食完仲可以行下街消化下。一入去，座位都幾寬敞，唔會話好逼。佢用左紅藍格仔枱布，又掛滿希臘相，最特別既係有位結他他老伯，唱歌彈結他，成個feel就好似去左希臘咁。由於我同朋友都係唔食生蠔既，就無特登叫黎食，不過見佢都唔太貴，叫夠一打仲有酒送。我地就叫左兩個set dinner，芝士焗龍蝦拼肉眼同扒虎蝦拼牛扒。芝士味都好濃，拉到絲，龍蝦都幾大隻，唔係果d一啖就食完。由於我唔太食生野，就叫左7成熟既肉眼，佢煎到岩岩好，唔會話太熟，又仲有小小粉紅色。個set仲配左薯條，一個人食都幾飽。至於另一塊就係薄牛扒，唔洗簡幾多成，煎到好香，肉味都好濃。我地仲叫左雞串燒，20幾蚊有3串，都燒得幾惹味。D staff都幾nice，見我隻碟擺滿左龍蝦殻，都會自動幫我換過隻新碟。總括黎講，野食都唔錯，兩個餐加串燒、一杯野飲同件cake埋單都係400蚊左右，都值得一試。