影片
更多
2020-12-01
349 瀏覽
<<Daily 豬仔尋食記🐖>> 早排呢間餐廳一開，日日都要排隊等位，知佢係岀面都有好多分店，而家進駐左聯和呢個小社區，真係好吸引街坊都齊齊試食！所以多人到爆！而家疫情，就真係少左人堂食，但外賣都仲係好多人叫。而我自己都成日黎，又知佢有轉過下餐牌，就想介紹佢哋一啲必食嘅餐比大家。以前一直都會食佢嘅卡邦尼長通粉，但呢排我知佢哋新岀左溫泉蛋牛肉飯，同鰻魚飯同埋鰻魚炒飯，每款都好吸引，所以我都試過。因為某啲原故，真係太耐冇食牛肉飯喇，所以呢到有，都忍唔到！佢嘅溫泉蛋做得幾好，每次都係熟度啱啱好！牛肉飯係真係要加溫泉蛋啲蛋汁先正！☺️🤤同埋嗰個牛肉飯嘅牛肉汁係都幾有牛味，但係就唔係好濃味，而啲洋蔥就切得比較幼細！但係就唔係好林身，係爽口個種，但都好味！不過佢哋就真係偏細碗，女仔食可能啱啱好，但係男仔可能真係未必夠食！佢嘅鰻魚飯都幾好食，但係就冇乜特別，同出面普通嘅差唔多，炒飯都做到粒粒分明，佢哋啲飯都係用咗嘅都係珍珠米，每粒炒飯都會有豉油汁，不過就唔係好食到鰻魚，但都有鰻魚燒汁嘅味，所以如果鍾意食鰻魚嘅話，我建議照叫鰻魚飯，真係啖啖肉會比較好啲！😋🥰如果唔鍾意飯食
早排呢間餐廳一開，日日都要排隊等位，知佢係岀面都有好多分店，而家進駐左聯和呢個小社區，真係好吸引街坊都齊齊試食！所以多人到爆！而家疫情，就真係少左人堂食，但外賣都仲係好多人叫。而我自己都成日黎，又知佢有轉過下餐牌，就想介紹佢哋一啲必食嘅餐比大家。
以前一直都會食佢嘅卡邦尼長通粉，但呢排我知佢哋新岀左溫泉蛋牛肉飯，同鰻魚飯同埋鰻魚炒飯，每款都好吸引，所以我都試過。因為某啲原故，真係太耐冇食牛肉飯喇，所以呢到有，都忍唔到！佢嘅溫泉蛋做得幾好，每次都係熟度啱啱好！牛肉飯係真係要加溫泉蛋啲蛋汁先正！☺️🤤同埋嗰個牛肉飯嘅牛肉汁係都幾有牛味，但係就唔係好濃味，而啲洋蔥就切得比較幼細！但係就唔係好林身，係爽口個種，但都好味！不過佢哋就真係偏細碗，女仔食可能啱啱好，但係男仔可能真係未必夠食！
佢嘅鰻魚飯都幾好食，但係就冇乜特別，同出面普通嘅差唔多，炒飯都做到粒粒分明，佢哋啲飯都係用咗嘅都係珍珠米，每粒炒飯都會有豉油汁，不過就唔係好食到鰻魚，但都有鰻魚燒汁嘅味，所以如果鍾意食鰻魚嘅話，我建議照叫鰻魚飯，真係啖啖肉會比較好啲！😋🥰
如果唔鍾意飯食嘅話，我自己都幾推薦佢一個炒烏冬，係佢哋用嘅烏冬來讚岐烏冬，比較彈牙，唔會有酸味，豚肉炒烏冬就比較出色，佢另一個龍蝦汁炒烏冬，我就冇咁鍾意佢個味，不過佢個炒烏冬真係有時候炒得太油，所以會有啲太膩，但佢啲配料切得好柔細，配合返個烏冬一條條嘅型，有啲心思！🤩
而我自己有時都會外加啲小食，好似追加$10就會有三隻炸餃子，或者炸雞翼，同炸西蘭花咁。餃子真係炸得香脆，裏面呢肉都好多，剩下的薑絲，會有唔同咬口，加上佢會加少少甜豉油，會令到成個餃子提味。而佢炸雞翼，每次都係新鮮炸，所以都要等幾耐下，佢有分辣同唔辣兩種味，一般佢都炸得好香脆，好好味。小食來講呢個真係抵食，所以大家要個餐不妨加多個小食！正🥳🥳
講真呢度到算抵食而且好食，所以我放工會選擇下食佢，加上佢環境企理啲，可以舒舒服服食個lunch or dinner 😋不錯不錯！
張貼