影片
2014-02-27
849 瀏覽
今晚到朋友推介嘅星廚，因為係平日夜晚唔駛等位即刻可以入去，裏面裝修簡潔,一入去已經feel到家庭式經營嘅感覺，好似樣嘅姐妹waitress,收銀嘅媽媽，間中係廚房出黎抖下氣嘅大廚爸爸(只係我估，未經證實係咪家庭)，宜家真係越黎越少啦。叫野食，以咁細嘅餐廳，食物選擇都算多，主菜，意粉，飯類大約各有六至八款，我特別想試下$98大豬手，但怕食唔哂所以都係叫咗個意粉。要勞蘇下嘅係落單時個女侍應唔係好識答女仔朋友嘅問題(即邊款多人叫黎食嗰類)，呆咗係度，其實唔識答無問題，但唔好一副委屈樣，好似我朋友蝦佢咁。我地叫咗鴨胸香草醬意粉，唔記得叫做牛骨定牛腩意粉同磨菇飽。每日有一款餐湯，睇食評想試磨茹湯同西蘭花忌廉湯，可惜今次係南瓜忌廉湯，雖然未如願，但都好好味。磨茹飽$28四件，暖暖地唔算十分出色，但醬多茹多，好味，可能熱辣辣會更好。我嘅牛腩？意粉$68，好多意粉，好味，試下嚿肉，嗯，好牛腩粉嘅牛腩味，唔算軟熟，分量一定會食飽。試下朋友嘅鴨胸香草醬意粉$48，還好，但我唔好香草嘅青味，又係大分量，可另選黑醋汁。之後有一球雪糕送，今日係vanilla味。星廚比我嘅印象唔算出色，但夠平均同大分量，價錢都吸
叫野食，以咁細嘅餐廳，食物選擇都算多，主菜，意粉，飯類大約各有六至八款，我特別想試下$98大豬手，但怕食唔哂所以都係叫咗個意粉。要勞蘇下嘅係落單時個女侍應唔係好識答女仔朋友嘅問題(即邊款多人叫黎食嗰類)，呆咗係度，其實唔識答無問題，但唔好一副委屈樣，好似我朋友蝦佢咁。
我地叫咗鴨胸香草醬意粉，唔記得叫做牛骨定牛腩意粉同磨菇飽。
每日有一款餐湯，睇食評想試磨茹湯同西蘭花忌廉湯，可惜今次係南瓜忌廉湯，雖然未如願，但都好好味。磨茹飽$28四件，暖暖地唔算十分出色，但醬多茹多，好味，可能熱辣辣會更好。我嘅牛腩？意粉$68，好多意粉，好味，試下嚿肉，嗯，好牛腩粉嘅牛腩味，唔算軟熟，分量一定會食飽。試下朋友嘅鴨胸香草醬意粉$48，還好，但我唔好香草嘅青味，又係大分量，可另選黑醋汁。
之後有一球雪糕送，今日係vanilla味。星廚比我嘅印象唔算出色，但夠平均同大分量，價錢都吸引，行開個頭可以再試試。
查看之前的留言 ()
張貼
