一燒窰 (已結業)

旺角食店多 但質素十分參差 所以每次黎食野都要慎選 如果唔係中伏率勁高呢間一燒窰食物選擇多 質素高 價錢親民 服務又好抬頭看看滿天如星星 感覺寫意首先叫左個定食 鰻魚飯 原條肥美的鰻魚平躺係白飯上 啖啖肉好正！之後就叫左個小食 炸雞軟骨 份量多 粒粒都好大粒飽滿 蒜香味突出又唔會過份油膩 好味！芝士明太子玉子燒 份量大 內含大量半溶芝士同明太子醬 一咬落去爆餡咁滯！燒窰烤蠔 用自家製秘製醬汁 唔會死鹹 帶微甜幾特別 蠔厚肉又飽滿 吸晒啲汁好入味！炸雞皮 脆卜卜 略乾一口芝士年糕 醬汁濃味 年糕煙韌 好味！鳥蛋 即係烤暗春蛋 正正常常啦明太子釀雞翼 肉質嫩滑 入面係明太子味芝士 有驚喜牛舌口感有彈性 牛味濃郁 幾有水準！食串燒梗係要啤啤佢！不得不推介呢杯接骨木花麒麟啤酒！似飲緊果汁咁 好鮮甜好味！