鴨仔冰室 (已結業)

朋友約我去佢觀塘公司樓下的鴨仔冰室食晚餐，順便比返之前借比佢嘅手提電腦給我，佢話鴨仔冰室晚餐主菜加$5可配是日餐湯或沙律，及咖啡或茶（凍飲加$3），抵食又好味！鴨仔鐵板什扒配黑椒汁(醬汁有洋蔥汁、黑椒汁和蘑菇汁選擇）和薯蓉，(有飯、意粉、薯條、薯蓉選擇）什扒用鐵板熱辣辣上檯，倒下黑椒汁時咋的一聲，香味四溢，熱氣迫人，雞扒色澤金黃，肉質嫩滑。豬扒入口鬆化，肉汁豐盛。牛扒肉質就軟滑。司華力腸外皮脆脆的，十分美味！焗厚切芝士豬扒飯：用香濃番茄和豬扒與芝士焗製而成，厚切豬扒面上香濃嘅芝士焗至微蕉，芝士又可拉絲，令焗飯美味加倍。香煎雞扒配厚煎午餐肉配薯條：雞扒煎得很外脆肉嫩，午餐肉不夠厚，薯條香脆，配黑椒汁相當惹味！今日餐湯是蘑菇湯，味道香濃好creamy。飲品熱咖啡、凍檸茶、熱奶茶都夠味！