第一郡

營業中

休息中

朋友帶咗我哋呢間食越南菜，話價錢唔貴，份量又夠，所以都幾多人嚟食，12:30嚟到都要排隊等位。叫咗個雞絲湯河，雞絲份量多到鋪到成碗麵都係，好耐冇試過食麵有咁足料，一路食啲河粉都有雞絲配，超正🥰雖然啲雞絲嘅雞味唔算好濃，但食落唔會嚡，調味都唔錯，配埋啲河粉一齊食好正。河粉亦都夠滑，湯底味道亦都係啱啱好，唔會太鹹或者太淡，加埋啲檸檬汁吊下味好正。Lunch set仲要包埋嘢飲，性價比都好高，啲位又唔會太迫，坐得到舒服。