早安越南 (已結業)

上網睇到雜誌介紹發現，好耐無食越南菜，好掛住越南湯河同炸蝦餅，一於就約朋友放工黎個即興飯局。越式酸辣鳳爪 $60無骨鳳爪最方便，呢個同泰式唔同，醬汁濃郁少少酸酸甜甜好開胃，仲有鳳爪好爽口。炸蝦餅 $67超多蝦肉去製作，好鮮甜，入口肉質彈牙，可以沾旁邊醬汁一齊食用。扎肉手撕雞河 $61我地轉左金邊粉，份量好多金邊粉煮得剛剛好唔會太林，雞肉嫩滑，湯底好甜好香。馬拉盞炒通菜 $67好有獲氣，炒得乾身，通菜好爽口。