滿越越式河粉專門店 (已結業)

兩個人七點零黎到，環境寬敞，檯同檯之間唔迫，食客一半滿到，好容易搵到張檯。睇左陣餐牌，叫左以下食物：1. 順化豬手湯河：碗河粉好大碗，我諗兩個女仔都夠，豬手幾霖，蘿蔔都幾入味，不過豬手仲有毛未清理好。2. 檬粉蝦片：蝦片唔係好脆，但味道ok。3. 豬扒撈檬：老婆話加埋魚露唔錯，豬扒亦好味，而且一樣好大碗。4. 酸辣鳳爪：普通無骨鳳爪。環境唔錯，服務唔差，最緊要係食到好飽，埋單都唔使百三，抵！