大頭蝦餐廳 (已結業)

抵食兼不過不失嘅越南餐廳。佢嘅喇沙好大碗，都幾足料。配上椰奶，喇沙味道香濃，帶微辣，適合大眾口味。豬頸肉都唔錯，燒得好香，有淡淡炭燒味。但係裡面嘅豆卜偏硬，不過都索到好多湯，如果再淋啲會好味啲。不過呢度嘅服務真係好麻麻。店員數目完全唔夠。成間鋪得兩個侍應，落單好慢。而且因為太忙嘅關係，態度都唔係幾好。之前年初三都嚟過一次情況仲誇張，仲要埋單先知原來要加二，仲要lunch因為特別日子關係唔包嘢飲佢其他食物例如湯河，飯類都好抵食，亦都好大份，唔會唔夠食。係lunch嘅好選擇！