越北牛肉粉專門店 (已搬遷) 新店位置

是日係元朗食左個下午茶。法式蒜蓉牛油雞翼好香脆呀。雞翼大大隻勁好肉，聞到+食到陣陣蒜蓉牛油香味。雖然有少少偏油，但真係好好食。😛越式燒豬頸肉飯豬頸肉燒到脆脆地，爽口唔肥，份量十足。朋友話食完碟飯好飽。🌚順化湯檬湯底辣辣地十分開胃，唔覺唔覺飲咗大半碗。湯料有齊牛腩片、扎蹄、扎肉同牛肉丸，材料非常豐富。最中諗係牛肉丸，細細個但好香牛味。扎肉有粗粒胡椒，幾有特色。下午茶份量無減，仲可以優惠價加購小食，我哋加咗個蜆港炸蝦餅，嘆嘆蝦肉好鬼正。