越火越式湯粉 (已結業)

勁耐冇食越南菜，越南菜最優勝之處莫過於用一個十分便宜嘅價錢食到越式美食，而且多數味道都吾錯。有位親戚喺西環番工，最近就介紹咗我去一間越南餐廳食野，近近哋去試吓都無妨。首先叫咗個牛三寶湯粉，有生牛肉、牛腩、牛丸，生牛肉好淋，牛肉味香濃，吾錯喎。牛腩就還好，就有嚼勁，但算系偏硬咗啲。牛丸幾爽口，牛骨湯底味道濃郁，整體黎講都好味。炸蝦餅數量吾少，每一塊都偏淋，不過呢個正正都系越式炸蝦餅嘅特色，蝦肉香口，點埋甜酸醬更開胃。另外叫咗份香茅豬扒湯粉，轉咗檬粉，中意檬粉爽口啲。香茅豬扒香茅味吾算好重，都整得幾香口。湯檬湯底充滿越式風味。青檸薄荷梳打口感十分清涼，冬天飲真系另一種享受🥶味道酸甜好開胃，適合為本身偏向油膩嘅越式食物解膩。椰汁冰夠冰凍🥶椰香味重。