101台灣養生湯麵 (已結業)

係堅尼地城做完野就搵野食啦，見到餐廳裝修舒適企理，我地就決定食台灣火鍋～ 餐牌上有台灣湯麵，同各式飯類，仲有一百蚊都唔使既一人鍋，價值好吸引，所以我地2個就要左2個一人鍋，我地要左麻辣三杯雞配日本稻庭烏冬同埋台灣藥膳椰子雞火鍋配台灣手工拉麵🍲仲叫左2杯凍香芋雪香～ 每個火鍋都有成隻雞脾係個鍋到，太大隻超足料，廚房仲會幫我哋1開4切成四件方便我地食用同快點煮熟！麻辣三杯雞好開胃，辣辣地好易入口，食落暖胃之如仲保持到肉質嫩滑！加埋烏冬一齊食好正！台灣藥膳椰子雞都好正！濃濃既椰香味同雞髀一齊煲住後既湯底真係一流，加埋爽口彈牙嘅台灣麵口感層次豐富！飲品都係大❤️推薦，香芋味好香濃，雪香飲落似雪糕又似珍珠奶茶嘅口感，非常特別！仲有脆脆嘅杯芽，非常好飲！