養生糊甜品專門店 (已結業)

冇得出國，酒店大劈價，所以weekend都book左間酒店住返晚玩下。酒店附近見倒哩間糖水店好平，糖水大部份$20有交易，最貴都係$23，仲要幾足料，所以就買返去酒店慢慢嘆。糖水鋪地方唔大，只有幾個堂食位，主要都係做外賣生意。薑汁芝麻湯丸($20) - 湯丸有五大粒，湯丸皮唔會太厚可以接受，入面係芝麻餡，薑味亦夠重，$20有五大粒湯丸真係冇得輸！香芋椰汁喳咋($20) - 椰汁味夠香，好足料，食完都幾飽肚。蓮子百合紅豆沙($20) - 紅豆煲得夠腍，食倒陳皮香味，味道唔錯。海帶綠豆沙($20) - 綠豆沙好清甜，我揀左凍食，清清涼涼好啱而家悶熱嘅天氣食。總結，糖水$20/碗哩個價喺香港已經好難搵倒，仲要好足料冇將貨就價，非常抵食。