The Americano By Texas Burger (已結業)

行完D2 Sunday market想去食burger，就去翻之前食過覺得幾好既餐廳！品質都keep得住之前~香煎雞肉牛油果芝士漢堡 ($118) 呢個burger 一見到就即係叫咗🤤 入面有2塊煎香咗既雞扒，加上半隻牛油果，口感，味道都好正好高質。包烘完後塗咗牛油，個包就咁食都好香~ 整體黎講好好味，份量超大份！酥炸軟殼蟹拿破崙海鮮意大利粉 ($138) 呢個意粉酸酸地，幾開胃，但略略煮得過冧同埋唔吸汁。軟殼蟹炸得外脆內軟，夠晒大隻！2個人share好足夠~Cappuccino (+$10) 呢度既咖啡豆好香，但有少少焦焦的味道，但不太影響味道~拉花都好靚。