B哥車仔麵 (已結業)

今日在觀塘區收工，做到肚子餓當然要搵野食啦，行到去中海日升中心發現原來最篤篤有間車仔麵檔，叫做「B哥車仔麵」，門面裝修乾淨企理，一啲都唔哪渣，地方比一般車仔麵檔大，唔洗等就有位，叫嘢食方式都是寫紙仔，價錢都很實惠，大B套餐5餸大大碗都係56蚊，最後就點了這個，還加了炸墨魚餅，炸蝦餅，齋燒鵝，咖哩魷魚和炸雲吞。等咗一陣就有得食，車仔麵麵底是油麵，煮得剛剛好彈牙不淋，餸五個牛腩魷魚等，最好食係個牛腩大大件淡淡肉，小食炸雲吞最值得推介，皮脆裏面啲蝦還有很多肉汁。