影片
更多
2017-02-27
1316 瀏覽
最近兩個小魔怪返咗學，工人姐姐又開始上手，難得我可以同朋友出街食下飯，呼吸一下新鮮空氣。上網見到呢間火鍋店好多好評，價錢好抵，仲有我喜歡的椰子雞煲，所以就約朋友去食。好彩我地早到先唔洗排，星期六的夜晚都幾多人，見7/8點左右，出面排咗幾十人。總結係呢度嘅野真係好食料靚，下次我會選擇星期一至四夜晚黎，少d人，舒服d, 又食到好野！$128 任飲任食套餐呢個價錢真係好平...當大 X 樂嘅一人邊爐都賣緊$70蚊，個餐得兩塊燈影牛肉，一大個為咗食飽你嘅麵同一杯好多冰嘅野飲，加一個永遠唔滾、等到我燥底嘅湯底.....真係無諗過點解唔食呢度...先上是主打的椰子雞湯底，一黎就上半隻雞，好易番本！個雞好嫩滑，顏色金黃，唔係死白灰色，個肉有彈性的。而湯底椰子香好重，椰子水好清甜，我地飲咗好多碗先開始食！ 食過日式放題牛X，晚餐價錢貴d 都無咁靚嘅雞食！唔好話貴價椰子水湯底！加$39 刺身因為個餐好抵，朋友話加埋錢去食刺身...牛X 果d 想食都無刺身選擇！ 侍應先上一盤，包括三文魚、甜蝦、魷魚等等。最喜歡是生蝦刺身，用正宗泰國草蝦，肉質緊實富彈性，味道爽甜，上方還有少量以生蒜、辣椒、調製的生蝦汁醬，
上網見到呢間火鍋店好多好評，價錢好抵，仲有我喜歡的椰子雞煲，所以就約朋友去食。好彩我地早到先唔洗排，星期六的夜晚都幾多人，見7/8點左右，出面排咗幾十人。總結係呢度嘅野真係好食料靚，下次我會選擇星期一至四夜晚黎，少d人，舒服d, 又食到好野！
$128 任飲任食套餐呢個價錢真係好平...當大 X 樂嘅一人邊爐都賣緊$70蚊，個餐得兩塊燈影牛肉，一大個為咗食飽你嘅麵同一杯好多冰嘅野飲，加一個永遠唔滾、等到我燥底嘅湯底.....真係無諗過點解唔食呢度...
先上是主打的椰子雞湯底，一黎就上半隻雞，好易番本！個雞好嫩滑，顏色金黃，唔係死白灰色，個肉有彈性的。而湯底椰子香好重，椰子水好清甜，我地飲咗好多碗先開始食！ 食過日式放題牛X，晚餐價錢貴d 都無咁靚嘅雞食！唔好話貴價椰子水湯底！
加$39 刺身因為個餐好抵，朋友話加埋錢去食刺身...牛X 果d 想食都無刺身選擇！ 侍應先上一盤，包括三文魚、甜蝦、魷魚等等。最喜歡是生蝦刺身，用正宗泰國草蝦，肉質緊實富彈性，味道爽甜，上方還有少量以生蒜、辣椒、調製的生蝦汁醬，又殺菌又有助帶出蝦肉的鮮味，其酸酸辣辣好醒胃，我地仲叫多咗幾碟生蝦刺身！
蔬菜蔬菜是自助出去門口附近拎的，其實而家去街市買蔬菜真的好貴，呢度有幾十款蔬菜，比較貴嘅秋葵等等都有，其他牛乜牛物嘅日式火題最多咪得幾種，呢度係我最喜歡的區域！ 我地兩個女仔食咗好多菜，覺得自己好健康架！而且番哂本，去街市走一轉，就知唔一定係食肉先番本嘅！
牛肉餐廳一黎就試咗幾盒肉類，有豬肉、牛肉等等，比起牛X, 呢度價錢雖然較便宜但肉質絕不失禮。 牛肉肥瘦適中，咬落去有肉汁。豬肉一燙即食，好滑呀！
丸類丸類我地都食咗不少，主要我朋友見到"手打"兩個字就發咗癲咁攞番黎。究竟我個女仔朋友嘅胃有幾大個架？ 我最中意食芝心丸，極度流心，有芝士香但又唔會漏，個魚蛋皮更爽口彈牙。呢隻丸，牛X 無呀！
沙律佢有幾款沙律呀咁，睇上去好吸引，見好多人拎。不過今次我地無食。
部隊鍋曾經有一輪港女咪好興食部隊鍋嘅，我地雖然太落後，當時無跟港女用300蚊食一盤腸仔午餐肉辛辣麵，不過我絕對喜歡在任食邊爐度食腸仔午餐肉！呢度嘅午餐肉唔係薄切，一個價錢仲可以任食..抵好多啦！腸仔仲唔係一味死鹹，加上椰汁仲有清香添。
雪糕最後食咗2杯雪糕，因為有cone 呀，我最開心。仲有好多toppings 可以任加。其實下次可以同埋兩隻小魔怪黎呀，佢地實堅開心！
張貼
