一鍋堂 (大鴻輝(荃灣)中心) (已搬遷) 新店位置

今晚同老公出荃灣食飯，去左一鍋堂打邊爐，好彩早d去食，7點已經好多人，要等位喇。四周環境光猛乾淨，座位幾闊落，冷氣夠大，涼浸浸，好舒服。有幾款湯底比較有特色，例如喇沙、冬陰公、沙參肉竹鯊魚骨、潮汕湯等，入場時店員會問要咩湯底先，由於之前食過，所以我地一早諗好。我地order左沙參肉竹鯊魚骨，奶白色嘅湯底，好多材料喺入面，沙參、玉竹、鯊魚骨、杞子 ，湯味香濃，味道清甜，明目潤肺。襯點嘅野未黎，出去拎野飲先。飲品雪櫃好大，而且有d自家製飲品。另外仲設有雪櫃放蔬菜，有好多種類嘅新鮮蔬菜提供，隨自己喜歡選擇，個鯊魚骨湯咁香，放d菜落去可以索左湯底嘅精華。叫左好多款食物，全部好新鮮，至like脆卜卜嘅魚皮同響鈴，索晒湯嘅味道。粟米同鮮冬菇好新鮮。而大件花膠口感不錯，不過太大件，怕好快飽都唔敢食太多。美國肩胛肉眼肉質嫩，油脂均勻，牛味香濃超好食，夠嫩又好重牛肉味，食過返尋味。黑松露墨魚滑，非常清爽彈牙。推介手打三寶丸，墨丸彈牙，豬肉丸好新鮮，幾特別，孜然雞肉丸係豬至愛，再encore。其他食材例如羊肉、豬潤、水餃、牛栢葉等等都覺得唔錯，呢個價錢可以食到有質素嘅食材，真係好抵食。雪糕機有乳酪同雪糕，