紅煙窗餐廳

營業中

休息中

又有朋友同我慶祝生日, 我又要諗食飯地方.....其實我唔想食buffet, 因為要keep fit嗎, 但係我個朋友覺得食自助餐會有多0的選擇, 所以寧願食間冇咁貴0既酒店自助晚餐. 其實我搵0左好多間, 不過一係食物少, 一係又太貴, 想搵二百零蚊0既buffet又驚唔好食, 最後都決定去比較多”好”食評0既紅煙窗. 當晚主題係地中海, 有好多唔同國家0既食物, 除了一般0既生蠔, 剌身, 壽司, 沙律, 燒牛肉外, 仲有比較特別的中東卡巴, 西班牙風乾腸, 焗蠔, 葡萄牙豬手, 田螺, 帶子意大利海鮮飯, 海鮮波菜麵, 最神奇係有越南東風螺同乳豬, 其實食物來自世界各地, 唔一定係地中海. 其中有個counter即制海鮮濃湯, 都幾特別. 甜品比較普通, 都係蛋糕, 生果, 豆腐花, 朱古力噴泉等等, 不過buffet有葡撻食都好得意, 因為好大個, 食一個都飽哂. 最期待0既係雪糕, 係Movenpick, 好貴0架, 雖然味道普通: 呍呢拿, 朱古力, 士多啤梨同tiramisu味, 但呢個牌子確實貴得有道理, 牛奶味濃, 又香又滑, 連一個不好雪糕的我都食多幾啖. 二百五十