六合小廚 (已結業)

係尖沙咀海港城附近想搵間炒小菜又要合理價錢食晚飯，上openrice 搵左呢間六合小廚。小菜選擇好多，有海鮮辣蟹避風塘煮法 ，又有車仔麵，炒粉麵飯樣樣有，我今晚叫左個二人餐加多個薑蔥鯇魚腩煲都係每人108蚊，抵爆。咖哩牛腩煲港式咖哩，香辣撲鼻，牛腩薯仔都夠稔，份量大。欖菜肉鬆四季豆欖菜肉碎份量比出面一定多，份量夠大碟，夠鑊氣又抵食。薑葱鯇魚腩煲超多薑葱超惹味，鯇魚大件油泡到外脆內軟，鮮嫩好味，正。仲包兩杯餐飲品，同行朋友一致讚抵食。