聚燒遙

營業中

休息中

呢間真係街坊價錢，每一樣嘢都好大份，超級抵食。而且味道又真係幾高質，選擇非常多，有雞煲、烤魚、不同串燒等等。我哋叫咗麻辣雞煲，半隻已經好多份量，麻香十足，非常惹味，就算唔食得辣嘅人都可以食到，雞肉好嫩滑，配埋芫荽食真係好正。之後當然要食返幾串串燒喇，叫咗茄子🍆，真係成條上，條茄子切開咗仲大過我塊面，加咗大量蒜蓉，調味十足好香！牛舌太厚切，啖啖肉，好食到我哋仲想叫多兩串。個人好鍾意佢嘅烤蘆筍，鮮嫩多汁，孜然粉調味唔錯😋除咗串燒之外，佢哋仲有好多川味開胃菜，我哋試咗涼拌皮蛋，又係加咗好多蒜蓉，秘製醬汁超級好食，下次再嚟深水埗一定會嚟呢間，又好食，又扺食