滾喜火鍋專門店 (已結業)

呢間餐廳嘅雞煲火鍋放題真係抵食又好味，食材新鮮得黎，種類又多，飲品亦多選擇，仲有竹蔗茅根，飲落甜而不膩，每人仲有一杯Haagen-Dazs雪糕。揀咗任食安格斯餐，$238/位，三重芝士雞煲叫咗少啲雞，好香芝士味。另外又叫咗麻辣雞煲小辣，真係好香好惹味😋值得一試。食完雞煲再叫火鍋配料，炸魚皮好香脆，水魷➕牛柏葉都好爽口，安格斯牛肉口感香滑，粟米🌽食落香甜，自家制鮮蝦雲吞➕鮮蝦水餃🥟落足料，口感非常豐富。