撈得喜火鍋冰室

營業中

休息中

撈得喜火鍋冰室 元朗地址: 元朗屏昌徑14-48號聯發樓地下9-10號舖今日爸爸帶我去食元朗好嘢👏🏻朗屏站行2分鐘就到，非常方便。撈得喜火鍋冰室佢同個friend成日嚟食嘅地方有晚市係全場爆滿，位置寬躺，真係好多人鍾意食烤魚或者雞煲，呢間有正宗川菜嘅味道先會咁多人👏🏻店員熱情招待好有禮貌，餐牌亦都非常之靚，攞起身好有手感。我同爸爸食晚市任食兩個鐘人頭收費七點前離座可以$158一位就算係正常食飯時間都係$178一位我哋叫咗麻辣雞煲，要小辣，之後可以自己出去自助攞嘢食，咁我哋攞木耳同埋青瓜做前菜，重有蜆、蝦、鯪魚球、牛丸、炸魚皮、炸響鈴、豆腐卜。不能盡錄，睇相😂我仲攞咗兩杯水果茶超解辣解渴，入邊係用新鮮生果製成㗎，好足料，有西瓜🍉藍莓🫐橙。甜品我仲要食曲奇🍪雪糕。雞煲個湯底真係有傳統川菜嘅味道，辣度係可控制嘅，小辣真係小辣‼️好似入口，刺激味蕾，我勁怕湯底咸，好彩佢剛剛好，仲有湯底放枱頭隨時自己加添。呢度食嘢感覺到好喜慶，真係一大班friend嚟敘舊吹水嘅好地方，舊生們如果要聚可以嚟呢間。