一君士多 (已結業)

由前藝人鄧一君開設，主打車打麵、日式咖哩飯，另售多款特色車仔麵，包括霸王麵、富貴麵、蠔華麵，加入花膠、鮑魚、廣島蠔等高級配料，霸氣十足！·三餸車仔麵套餐($55包飲品)麵類有好多選擇，例如銀針粉、烏冬、油麵、米線等。配料分別揀左辣魷魚、咖哩陳皮魚蛋、豬紅，轉特飲都只需(+$3)，鐘意食辣不妨加埋辣汁😋。·磨菇芝士雞翼($32)雞皮好香脆，已經起左骨，裡面釀滿芝士、蘑菇，漲卜卜一咬開澎湃芝士湧哂出黎，芝士味極濃🙀。·炸蝦餅($28)新鮮炸起熱辣辣，好香口，配埋泰甜辣醬無得輸😈！·麻辣木耳($20)木耳爽口，沾滿麻辣汁，非常惹味！