影片
更多
2013-04-13
1922 瀏覽
這家位於坑口村的Lardos，雖然位置唔太就腳，但真係推介住喺附近﹑同區，甚至乎係東九或駕車人士專程嚟幫襯。為既係一塊價錢合理又值既靚西冷。曾幾何時，亞記黃小姐話真係"雞有雞味，魚有魚味！"好想問你講乜野呀！但而家真係冇啖新鮮野食，想揾有雞味既雞真係好難，亦明白黃小姐講得有理！而Lardos正正係俾到牛有牛味既西冷你呀！西冷有8oz同12oz揀，生熟程度﹑要咩汁﹑配咩薯菜都係自己話事！薯菜有薯角﹑粗薯條同焗薯俾你揀，食得唔多既食番薯角啦！汁有黑椒汁﹑紅酒汁﹑洋葱汁等，欣賞佢另上，唔會浸住塊扒。燒西冷嚟到又靚又香噴噴，讓人食慾大增，不過大廚有時都會失手，例如今次啲鹽好似重手左，偏鹹，但overall都仲係好好既！8oz 西冷HK$135已包服務費，真係好抵！另外，我之前試過其他食物，可給大家參考。1. 炸金文拔芝士：好漏但好香口！2. 燒肉眼：冇西冷咁有牛味，但都好味既！3. 8oz 牛肉漢堡：此為西冷以外之選，夠份量之餘味道也不錯，漢堡個包亦夠特別，唔係一般那種芝麻包！4. 燒雞扒：燒雞扒只係表面夠味，入面有啲淡口，一般。5. 卡邦尼意粉：汁唔夠味同唔夠杰身，意粉冇 al dente
曾幾何時，亞記黃小姐話真係"雞有雞味，魚有魚味！"好想問你講乜野呀！但而家真係冇啖新鮮野食，想揾有雞味既雞真係好難，亦明白黃小姐講得有理！而Lardos正正係俾到牛有牛味既西冷你呀！西冷有8oz同12oz揀，生熟程度﹑要咩汁﹑配咩薯菜都係自己話事！薯菜有薯角﹑粗薯條同焗薯俾你揀，食得唔多既食番薯角啦！汁有黑椒汁﹑紅酒汁﹑洋葱汁等，欣賞佢另上，唔會浸住塊扒。燒西冷嚟到又靚又香噴噴，讓人食慾大增，不過大廚有時都會失手，例如今次啲鹽好似重手左，偏鹹，但overall都仲係好好既！8oz 西冷HK$135已包服務費，真係好抵！
另外，我之前試過其他食物，可給大家參考。
1. 炸金文拔芝士：好漏但好香口！
2. 燒肉眼：冇西冷咁有牛味，但都好味既！
3. 8oz 牛肉漢堡：此為西冷以外之選，夠份量之餘味道也不錯，漢堡個包亦夠特別，唔係一般那種芝麻包！
4. 燒雞扒：燒雞扒只係表面夠味，入面有啲淡口，一般。
5. 卡邦尼意粉：汁唔夠味同唔夠杰身，意粉冇 al dente 既口感，一般。
一場嚟到信我，食西冷啦！平！靚！正！
張貼
