CHIMAC (大埔超級城) (已結業)

今日同朋友去到大埔超級城，揀咗間韓國炸雞店Chimac 聽人講呢間食炸雞好出色，於是就走去食啦☺️☺️餐廳面積雖然唔算大，有好幾個堂食位置，但亦設有洗手機比顧客洗手，注重衛生，非常貼心。我地揀咗韓式炸雞套餐，有六款唔同口味選擇，我想食啲甜甜地嘅嘢，所以就揀咗蜂蜜焦糖味。佢可以揀有骨或者無骨，我哋就揀咗無骨😗炸雞份量都幾大件，食落口脆卜卜，甜甜地入面雞肉好嫩滑，又熱辣辣，食到舔舔脷。除餐附送薯條，同埋有醒胃酸蘿蔔😋跟住仲有魚糕串，口感唔錯又入味，唔使點醬都OK。另外，我地叫左韓式泡菜炒飯，飯炒得幾乾身，同埋泡菜幾惹味😋😋跟餐仲有兩罐韓式飲品俾你揀😗😗我哋揀咗韓國檸七，送炸雞一流👍🏻下次黎開大埔超級城都會再過嚟食💖