Kim's Spoon (MegaBox) (已結業)

收工時間去megabox食野，座位多，地方大，坐得好舒服。Menu選擇多，連甜品都有，下次黎會想試下個韓冰。叫左全隻原味炸雞，做緊promotion，二百蚊有找，上枱時會送上蕃茄醬同芥茉醬。份量多，雞外層香脆，肉質算嫩滑，可惜炸粉有啲厚，真正既雞肉比較少。特選紫菜包飯 $54主要有香腸同蟹柳同其他common配料，食落正正常常。水冷麵 $93超中意食水冷麵，夏天食好開胃。打卡一流!青蘋果青瓜沙冰超清新組合，青蘋果味比較重，青瓜打碎後其冇咩味，岩晒配食完熱氣既炸雞。