影片
更多
2015-09-15
259 瀏覽
是日睇完戲, 搵地方食野, 朋友係韓燒迷, 一直想試依間韓燒店, 店鋪位於亞士厘道, 7:30晚飯時間以為會勁多人要等好耐, 點知又唔使等喎, 可能係我地Lucky啦o 由於係樓上舖, 所以地方很寬敞而且樓底高, 感覺唔迫仲幾舒服添o 裝潢比較簡潔; 不過我是以吃為主, 所以比較關心食物多點o 這裡最特別之處係服務員代客人燒食物, 唔使自己出手, 包唔會燒燶食物, 又唔怕比油彈到, 真係好貼心呀o一坐低, 便有服務員為我地奉上熱茶, 前菜, 餐牌; 推介我地食特選牛肋骨同秘制豬手o見隔離枱都有呢兩味, 而且香味十足, 所以都叫黎食o 朋友仔就叫左最愛嘅豬大腸, 牛脷同羊架, 我自己就揀左五花腩o因為太多肉類, 所以我地仲叫左啲生菜, 可以包住啲肉一齊食o前菜有六款 : 芽菜, 泡菜, 青菜, 蘿白, 魚仔乾同蜜糖薯仔o 六款當中我最鍾意蜜糖薯仔, 有淡淡嘅蜜糖味, 薯仔不會太粉, 也不太硬, 因為太好味, 幾乎比我食晒o 其餘五款芽菜, 泡菜, 青菜, 沒什麼特別; 由於蘿白, 魚仔乾都是我平時比較喜愛嘅食物, 所以都覺得味道不錯o五花腩 : 其實我唔知五花腩點睇靚唔靚, 所以要靠我嘅
一坐低, 便有服務員為我地奉上熱茶, 前菜, 餐牌; 推介我地食特選牛肋骨同秘制豬手o見隔離枱都有呢兩味, 而且香味十足, 所以都叫黎食o 朋友仔就叫左最愛嘅豬大腸, 牛脷同羊架, 我自己就揀左五花腩o因為太多肉類, 所以我地仲叫左啲生菜, 可以包住啲肉一齊食o
前菜有六款 : 芽菜, 泡菜, 青菜, 蘿白, 魚仔乾同蜜糖薯仔o 六款當中我最鍾意蜜糖薯仔, 有淡淡嘅蜜糖味, 薯仔不會太粉, 也不太硬, 因為太好味, 幾乎比我食晒o 其餘五款芽菜, 泡菜, 青菜, 沒什麼特別; 由於蘿白, 魚仔乾都是我平時比較喜愛嘅食物, 所以都覺得味道不錯o
五花腩 : 其實我唔知五花腩點睇靚唔靚, 所以要靠我嘅味蕾啦, 服務員姐姐話五花腩燒到微微向上彎曲, 兩面少少金黃色, 就最好味, 點啲店舖秘制韓式辣汁, 滋味呀!
豬大腸: 我平時係唔食內臟, 不過見佢燒到好香, 朋友個個都話好食, 我就試食一舊啦, 豬大腸外層燒到脆卜卜, 入面好煙韌, 點左啲椒鹽一齊食, 味道更可口, 估唔到自己不知不覺食左3件, 不過少吃多滋味, 留肚試下其他野o
牛肋骨好大份, 色澤紅紅的, 很新鮮o 一放在燒板上, 香味即時散發出來; 燒好嘅牛肋骨好腍, 好鮮甜, 加埋啲醬汁, 將牛肋骨嘅鮮味提升, 真係無揀錯, 好想Encore來多碟o
燒好嘅牛脷, 薄薄一片, 好腍, 唔使點醬汁都好好食o
羊架呢…..等左好耐先燒熟, 我個人認為有點韌, 唔夠腍,; 不過好彩唔會太羶o
秘制豬手看似好肥, 不過入口完全唔覺油膩, 有啲鹵水味, 又唔會太鹹, 可以配合鼓油汁來食, 不過本身已夠入味, 唔點都得o 同埋份量好足夠, 可能肉類比較多, 唔使食飯都已經夠飽肚o
其實仲有啲好多野想食, 不過真係食唔落, 唯有下次再試!!
張貼
