Running 燒 (已結業)

將軍澳的韓式燒內放題選擇不多，所以知Running燒在將軍澳開分店後已經好想去試。今天終於約到朋友和我一同前往享用！燒肉其中一個重點，除左食材後，醬料都好緊要，呢度有好多款唔同既醬汁，自己配搭都無問題。外面仲有好多菜可以自己拿，用來包肉食又得，燒都無問題。飲品款式選擇都幾多，多數以韓式飲品為主。燒肉部份豬肉全部都切得好大塊，好厚！真係好有正宗韓式燒肉既感覺，不過可惜呢度無蒜頭提供，唔係既話自己拎d生菜同泡菜包住食真係一流，豬肉仲分左好多種味，完全唔驚得好少味而食到悶。牛肉推介牛五花，大大片，而且油脂分布平均，真係好好食。 生蠔，生蠔唔腥而且都幾大隻，我地原味同蒜味都有食，大家都鍾意原味多點。帶子都好大粒，海鮮部份都唔錯。仲有一d熟食如炸雞等，即叫即炸味道都可以，放題黎講算唔錯了。甜品款式超多，除左有少量蛋糕外，雪條選擇非常好多，而且好多價錢都唔平，呢度可以無限食。整體覺得呢個價錢算抵食，食物質素唔錯，店員好好人，期間問店員有無生蒜提供，佢地都好好即刻幫我入去問廚房，雖然最後無提供，但佢地好盡力去幫我搵，呢點好值得讚。