達人烤肉 (已結業)

上星期五晚，同朋友一行五人，去左食韓燒。入到去裝修同環境都唔錯，仲有kpop既mv睇！啲服務員態度好好，好好笑容，最特別係有韓國同中國人，搞到我地成日都分唔清要講咩話 不過店員都好nice好親切！韓燒放題就食得多 ，正宗韓燒真係第一次食，最得意係個鐵板周邊有盤可以放小食，芝士粟米同蛋都好好食，熱辣辣，值得推介！之後我地就叫左兩個套餐，一牛一豬，份量真係十足，預平均三個人一個set就已經好夠！如果全女班叫一個set都夠，唔係一定食唔晒！啲肉好新鮮，種類都多，有五花腩、牛仔骨、牛舌等。燒既時候亦會店員幫手，確保啲肉熟得岩岩好！五花腩好嫩滑多汁，一路燒個陣不路出肉汁！勁誇張！牛仔骨醃得相當入味，唔洗點醬油都好好味！牛舌入口都十分爽口！最細心係圓椅可以收納個人物品，值得一讚！下次朋友聚會都會再黎食！