漢和韓國料理 (已搬遷) 新店位置

老友即將搬新屋，想去宜家添置新傢俬。做兄弟梗係陪佢去，做司機之餘，順便幫下眼。出力前，梗係搵野食。泊好車，就係附近見到韓燒，最啱我地兩個食肉獸。漢和係我中學年代嘅回憶，以前學校放假，約朋友出去行街，多數會食，貪佢一個價錢任食，實飽夠抵。韓燒有分幾個時段。特價場時段好抵，可惜有任務在身。晚市成人$188(平日)，五六日假期 +$10 三文魚雖然唔係貴價貨，但勝在新鮮。係個窗望入去，廚房不時有人新鮮切緊。紙包飲品、汽水任飲。食肉獸專區，選擇種類好多。小食都有幾款選擇。沙律區生果&甜品，有我最愛椰汁糕。雪糕任食。所有肉類都醃得好夠味雖然食物質素都唔算得上係靚料，但由前菜到甜品都係任食，$198 真係好抵。