東大門韓國料理 (已結業)

上星期同家人一齊黎呢度食晚飯，夜市任食都係$200 左右，食物選擇種類都算多，生嘅食物都係用紙點叫，唔使出去自己拎，同一般看燒有啲唔一樣，我個人覺得咁樣比較衛生。熟食方面選擇唔算多，其實比漢陽苑嘅選擇好似少啲，但當晚肉類方面嘅質素，我覺得比漢陽苑好，價錢亦都同漢陽苑差唔多。可能我哋多人，經理送咗蝦同峴。甜品亦有我最鍾意嘅芒果糯米飯，味道唔錯。服務方面，我覺得幾好，服務員都算有禮貌，經常會過嚟清理唔要嘅嘢，可能我之前去嗰間漢陽苑服務態度好差，所以比起之下覺得呢間好啲。食完離開嘅時候，個經理好主動咁走埋嚟講拜拜同派卡片，好有熱誠。