Running 燒 (已結業)

好耐冇食過燒肉，朋友即刻介紹呢間，試吓卜位，咁啱book到，開心開心。🥳呢間餐廳喺旺角地鐵站附近， 10分方便，上到去見到環境都唔錯，油煙味唔大，立即搵個窗邊嘅位坐吓，可以望到唔係旺角街景，都幾正。食物種類好多，最喜歡食佢個豬頸肉同埋牛肋排，非常非常惹味，回味無窮。仲有其他海鮮都唔錯，我哋兩個人叫咗10幾隻生蠔，可以揀芝士或者自己整啲蒜蓉落去，都幾大隻新鮮喎！任飲任食，兩三舊水一個人，幾抵食，飲品種類都OK，埋單前仲有雪條食添！