炑八韓烤 (MegaBox) (已結業)

突然身痕好想食韓燒，咁就去咗間就近的餐廳食燒肉lunch，意外地肉比想像中高質，而且一個餐都只係一舊水，都幾抵食。牛肉雙重組合 $98呢個餐有牛腹肉同牛五花，牛五花切得好薄油脂分布都幾靚，兩面輕輕燒一燒就食得，油脂位好香好好食，成塊肉都易咬開，蘸佢的燒烤醬好好食😋牛腹肉牛味非常濃郁，牛肉軟腍唔韌，都ok好食。韓式五花肉特選餐 $102呢個餐有兩款豬肉一款雞肉：原味五花肉、醬油五花肉、梨汁雞腿肉。豬肉肥瘦相間，都幾厚身，燒的時候要翻得密d，如果唔係好易燶。兩款豬最好食係醬汁味，食落勁似叉燒，口感都幾軟腍😆原味就正正常常啦，不及叉燒。雞肉都幾嫩滑，而且都幾大件，又係要小心睇火🤣Lunch set跟飯跟湯，飯有少少硬，湯裡面有好多海帶。配菜可以無限refill，有韓式泡菜，芽菜，海帶青瓜，牛蒡。韓式泡菜係我鍾意的偏甜口味，芽菜有麻油味，正正常常。海帶青瓜有微微辣味，牛蒡甜甜哋都幾好食。甜辣炸雞 $48見到menu張相好吸引，咁就點咗一份試吓。雞肉炸得外脆內軟，勁好食，夠哂嫩滑，最鍾意炸雞味道偏甜唔太辣😍仲要四件都大大塊，啖啖肉，呢款炸雞真係好正🥰炑八韓烤 (MegaBox) (九龍灣)九龍灣