影片
更多
2015-12-08
1627 瀏覽
近期司令中左芝士嘅毒，熱辣辣好似熔岩仲要拉哂絲咁，真係好淫賤。今次喱間餐廳唔只滿足到司令嘅芝士癮，仲要係好平好抵食嫁。新派芝士熔岩蛋漿飯 ($48)標榜源自韓國，原名叫漢拿山炒飯，材料有韓國辣醬、泡菜、午餐肉之外，仲附有一大碗蛋漿同Mozzarella cheese，非常足料🤓👍🏻。上菜時，侍應會係面前即場落芝士同蛋漿，炒勻佢等芝士熔左就食得。味道方面，因為有大量芝士，所以真係無得輸，配合埋泡菜加辣醬，調味做得幾出色。不過司令覺得個飯如果放少啲蛋漿，乾身番啲，做到有飯焦嘅效果就會更好。芝士濃湯石鍋（$56）除左個蛋漿飯，司令仲叫左個秋冬期間既芝士濃湯石鍋配辛辣面！石鍋材料非常多，有年糕、煎餃子、日式蟹柳、獅子狗、彩椒、Mozzarella cheese、辛辣面同主角芝士濃湯！上枱時，湯卜吱卜吱咁，最近天氣凍左，睇到已經暖笠笠！試下個湯先，係有芝士味，但又冇話好濃，有少少辣既味道，雖然司令覺得完全唔辣！而司令雖然唔太喜歡彩椒類，但利用彩椒既味道，減輕左芝士濃湯既膩！而因為材料非常豐富，司令就覺得好飽肚喇！主題小食拼盤（$42）除左兩款主食，司令仲叫左份小食拼盤。拼盤有6款小食，分別係有香
近期司令中左芝士嘅毒，熱辣辣好似熔岩仲要拉哂絲咁，真係好淫賤。今次喱間餐廳唔只滿足到司令嘅芝士癮，仲要係好平好抵食嫁。
新派芝士熔岩蛋漿飯 ($48)
標榜源自韓國，原名叫漢拿山炒飯，材料有韓國辣醬、泡菜、午餐肉之外，仲附有一大碗蛋漿同Mozzarella cheese，非常足料🤓👍🏻。上菜時，侍應會係面前即場落芝士同蛋漿，炒勻佢等芝士熔左就食得。味道方面，因為有大量芝士，所以真係無得輸，配合埋泡菜加辣醬，調味做得幾出色。不過司令覺得個飯如果放少啲蛋漿，乾身番啲，做到有飯焦嘅效果就會更好。
芝士濃湯石鍋（$56）
除左個蛋漿飯，司令仲叫左個秋冬期間既芝士濃湯石鍋配辛辣面！石鍋材料非常多，有年糕、煎餃子、日式蟹柳、獅子狗、彩椒、Mozzarella cheese、辛辣面同主角芝士濃湯！上枱時，湯卜吱卜吱咁，最近天氣凍左，睇到已經暖笠笠！試下個湯先，係有芝士味，但又冇話好濃，有少少辣既味道，雖然司令覺得完全唔辣！而司令雖然唔太喜歡彩椒類，但利用彩椒既味道，減輕左芝士濃湯既膩！而因為材料非常豐富，司令就覺得好飽肚喇！
主題小食拼盤（$42）
除左兩款主食，司令仲叫左份小食拼盤。拼盤有6款小食，分別係有香辣米米腸、沙律菜、水牛雞翼、脆薯格、炸魷魚圈同埋芝士烤大菇。司令覺得炸物類都炸得唔錯，夠脆，而油溫控制得幾好所以食落唔會話好膩！
其中芝士烤大菇同米米腸就做得最出色。烤大菇味道夠香濃，選用嘅芝士唔會太重味導致食唔到菇嘅鮮甜，而烤大菇嘅火喉掌握得幾好，保持到juicy嘅感覺。米米腸咬落口感好特別，無肉腸咁油膩，香料嘅味道好出，但唔會過濃而有澀味，調味比起拼盤內嘅炸物更佳。
雖然拼盤嘅價錢，已經差不多可以叫到一份主食，不過食得出店主花左好多心思係烹調各種小食上面，所以司令都推介大家去嘗試下嫁。
張貼
