Grill'er 石燒扒專門店 (已結業)

呢度有多款不同牛扒、豬扒及海鮮可以選擇，我地就叫咗西冷牛扒及牛肩胛。首先喺自動售賣機點餐，然後拎張飛仔就可以等食。餐廳入面以自助形式為主，沙律、餐湯及飯係任食；而且仲有不同醬汁可供選擇：黑椒汁、燒汁、麻醬等等。食物好快就到，然後店員會好細心咁建議你燒幾耐。由於鐵板非常熱，所以牛肉相對地會好快熟。一嚟到你就要立即準備好，如果唔係老咗就唔好食。牛肩胛我覺得牛味好香而西冷牛扒就相對地多汁同肉質林啲，各有各好味。見到餐廳外賣套餐好抵，如果想買返屋企食，都係一個唔錯又經濟嘅選擇。