鐵牛台灣牛肉麵

營業中

休息中

近期睇體育園都好Hit，所以就去咗嗰度附近一帶搵食。平日同朋友去咗食午餐，佢哋嘅午餐同下午茶餐都好抵食！首先我哋試咗佢哋嘅牛肚牛肉麵，麵條Q彈,湯頭濃郁醇厚。牛肚同牛肉嘅分量都非常足夠，一碗飽肚又實惠。然後我哋又點咗鹽酥豬扒滷肉飯，豬扒又香又脆。滷肉濕潤，不自覺地食多咗飯🤣小食叫咗酥炸花枝丸，外層炸得金黃酥脆。花枝丸彈牙又有花枝香。再叫埋綜合滷味拼盤，包括滷蛋、滷大腸、豬耳爽等，每樣都味道濃郁，好適合配飯食。最後飲品叫了一杯熱紅豆奶茶同柳丁椰果綠茶。