龍鳳祥餃子館 (已結業)

最近愛上左買水晶，同朋友講起，原來佢都好喜歡，仲話深水埗都好多店鋪賣水晶產品，今日就約埋一齊去睇下。我地去左西九龍中心，原來真係有D又平又靚的水晶鏈賣，一邊睇一邊試，睇下睇下都肚餓，行過見到龍鳳祥餃子館，見裝修都幾好就入左去食個遲來的下午茶。睇餐牌又真係有好多吾同種類的餃子。D餃子真係份量十足，仲好足料，夠晒大隻，我最鍾意就係肉三鮮（韭菜、豬肉、蝦仁)一咬落去就有成隻🦐喺裏面；朋友食素就叫番茄雞蛋，夠晒特別；韭黃魚肉餃子啖啖肉，魚肉餃子都好少見；秘製牛犇飯D牛好琳，夠曬入味，送飯一流。三個人$186真係食到好飽。