Holy Gaw

營業中

休息中

尋日無端端好想食，然後喺社交平台搵吓搵吓見到呢一間Holy Raw望落去啲相好似好正咁，所以就約埋朋友過嚟呢度食嘢！！💛一見到個餐牌就已經知道我一定會好鍾意食呢一個虎蝦大通粉！成個虎蝦大大隻，而且落去啖啖肉好新鮮！再加上好香嘅奶油同埋蕃茄嘅味道配搭，成件事好match，而且加埋意大利辣椒，咬落去有少少辣辣地，更加惹味！另外仲有呢一個鴛鴦嘅炸雞，係用咗烤雞同埋炸雞，仲配合埋青金橘嘅醬汁！我個人就比較鍾意食烤雞，果皮吼得好香濃，而且好特別嘅醬料香味！對於鍾意重口味嘅人來講一定會好啱食！最後一個重點推介嘅就係呢一個芝士肉丸配麵包❤️❤️意想不到嘅出色，呢個菲律賓麵包好香，而且好甜，仲要烤得好非常鬆軟！仲要有手打嘅芝士肉丸，真係會食上癮！