馬泰

營業中

休息中

約左朋友仔係銅鑼灣行街，行到攰想食泰國嘢，又想坐得舒舒服服，經過「馬泰」比門面外既食物圖吸引左入去試試。入到去岩岩好係下午茶時段14:00-18:00。我叫了一個下午茶套餐馬來無骨海南雞喇沙 $62。首先無骨海南雞既雞肉很嫩，肥瘦適中，配上特製燒汁和薑蓉，個人較喜歡薑蓉汁。至於喇沙麵則用了兩種麵，分別有米粉和油麵，兩種麵令整個口感多了幾種層次，而喇沙湯底味道濃郁。估唔到下午茶嘅份量都可以咁多。👍🏻👍🏻朋友叫了馬來咖哩牛腩配飯 $66，咖喱味道濃郁，帶有少少辣。牛腩炆得很淋，很入味。馬來咖央多士 （斑蘭味）$32，斑蘭味道很濃，而且麵包烤得很脆，不會烤得很濃。最後還叫了一份甜品，馬泰香芒糯米飯 +$28升級。同出邊食既有少少分別，把它製作成壽司。可能已經過了芒果的季節，所以不會很甜。飲品方面叫了一杯馬來特色手拉茶 +$8，果然冇令我失望，茶很滑，很香濃。朋友叫了一杯泰式檸檬茶 凍飲+$3，可能係泰式茶嘅關係，冇左一種苦澀味，反而有一種清爽嘅味道。餐廳內部有很多插畫和以前用嘅廚具擺設。