竹 (已結業)

農曆新年就到，要準備出銅鑼灣辦年貨。辦年貨前當然要醫好自己個胃。星期六放假要對自己好啲，行咗入利園二期，一間裝修非常高級的日本餐廳，一看餐牌午餐價錢十分優惠，大約三百元多少少。淨係識裝修都要啦！突然好想食炸物，我叫咗個天婦羅定食。座位非常舒適，好適合跟姊妹們約會傾計！服務員先遞上毛巾及熱茶。之後好快就有前菜有沙律、蒸蛋，味道新鮮不錯。主菜天婦羅，有兩隻海老、白魚、還有好多素菜，配以珍珠米飯、味增湯。炸漿調校得好好，食材新鮮，好滿足的一餐。下次要食他們的天婦羅廚師發板，相信味道更勝一籌。