天竜 (已結業)

荃灣路德圍有間隱世日式小店天竜，食物高質加上近期換左餐牌，食指定菜式仲有85折優惠， 價錢合理去開荃灣絕對要去探店。今次同謙謙來就叫左以下的美食⬇️⬇️⬇️❤️ 海膽五色丼定食 ～ 成份定食放低時有點驚訝😱咁多份量嘅， 有兩件厚燒玉子，一件凍豆腐， 有兩件炸雞在面的沙律，心諗咩事呀！每樣都咁精緻，一絲不苟。 主食海膽丼直頭正到暈 ，我比佢3大件的海膽溶化左，入口好creamy ，呢碗仲要有拖羅有帆立貝有赤蝦有拖羅蓉😍😍成碗都係我最愛的，拌飯食一流。🥚 茶壺蛋 ～ 跟定食加12蚊好抵呀！雞蛋蒸得好滑入面仲要有蟹柳和蝦肉。❤️ 三文魚帆立貝赤蝦定食 ～ 謙謙選佢自己最愛的丼，見佢食赤蝦食到咁滋味就知幾鮮甜， 佢拌勻蟹籽再用肥美三文魚包住飯一口過，佢話超豐富喎。❤️ 三文魚刺身 ～ 3 片厚身肥美的三文魚。❤️ 帆立貝刺身 ～ 4件 鮮甜美味的帆立貝。❤️ 蟹肉忌廉餅 ～ 外脆內 creamy 的蟹肉忌廉餅。