阿爺八鮮鍋 (已結業)

琴日去咗阿爺八鮮鍋打邊爐，佢價錢淨係分咗時段有所唔同，加$20就可以任飲指定飲品。最近做緊優惠，加$108有象拔蚌刺身任食，真係好抵！象拔蚌好大隻，食落新鮮而且爽口，一定要加！個餐仲包埋燉湯同餐前小食，除咗海鮮之外仲有多款食材，3百幾蚊嘅價錢絕對值回票價～佢一開始會上咗個雞煲先，2個人一轉嘅份量唔會太多，唔怕食完個雞煲就飽曬食唔到好多海鮮！！雞煲叫咗少辣，好惹味～連d蔥、洋蔥都好好食～食完會轉湯打打邊爐，但聽店員講一轉咗火鍋，就叫唔到象拔蚌刺身，如果想食多轉象拔蚌就記得叫埋先轉湯打邊爐喇～火鍋湯底有麻辣，海鮮同藥膳揀，今次揀咗藥膳，藥材味道都幾重，真材實料！開始食火鍋會有個海鮮拼盤上黎先，龍蝦，扇貝，奄仔蟹，蟶子仲有新鮮鮑魚同海蝦，全部都好新鮮，大隻！有幾款海鮮可以任食見到佢menu都幾多野叫，有好多都係出面無嘅～例如係新鮮魚標，大魚頭，羅非魚果啲，不過有啲無叫到，因為太多野啦😂魚標送上黎果啲仲脹卜卜，店員教我哋要剪開佢先放落鍋度，煮熟左之後有啲煙韌又有啲爽脆～珍珠蠔味道都唔錯，細細粒，脹卜卜禁😂牛白肉，味道都唔錯👍🏿有陣牛油香，口感爽彈芫荽餃，芫荽味道好濃，我個人幾鍾意黑松露墨魚滑，