老厝邊

營業中

休息中

一直都聽朋友講台菜小店「老厝邊」好好味，我今日順路都去食個午餐，上網搵咗吓個店名意思，原嚟「老厝邊」係台語「老鄰居」嘅意思。舖面雖然唔大，但裝修很有親切感。中午套餐非常抵食，黑椒牛仔骨大碗公，牛仔骨份量十足，肉質軟冧入味，尤其係黑椒味非常惹味，又好送飯。加配滷肉汁，肥瘦適中，滷汁香濃惹味！台式三杯雞排大碗公，非常有驚喜，雞肉大塊又嫩滑，三杯醬汁入味，一定要讚！份量真係好大份。加配鹽酥雞，香口酥脆，雞肉仲好滑。台式香腸都好高質，肉質唔錯，香氣濃郁！加配野飲都好抵食，珍珠奶茶加仙草，奶茶香滑濃郁，啖啖都係珍珠，仙草清香爽口，口感很有層次。