鮪世市場 (已結業)

第一次食鮪世市場，因貌次次去到都好多人要排隊，加上店舖座位唔多，所以每次都放棄。今次有住附近既朋友去拎定位，所以終於有機會食到啦~🔶特上海膽壽司 $38：超級鮮甜，唔會有腥臭味，呢個價錢無投訴而且覺得好高質。🔶火炙左口魚裙邊壽司: 魚油豐富，火炙後肉質好軟滑而且有魚香，入口即溶。 🔶左口魚裙邊壽司: 相比肉質會較為爽口，但慢慢嘴嚼就會有左口魚香氣同魚油滲透出來。🔶藍鰭大吞拿魚腩 $48：大拖羅的油脂真係超級豐富，好似入口即溶咁，鮮甜好味好滿足。🔶藍鰭中吞拿魚腩 $35：相比大拖羅油脂會比較少，但依然好豐富，以價錢計我會覺得中拖羅性價比較高。🔶蔥吞拿魚腩軍艦 $24：油脂較少一款，但包住既紫菜香味又令到件壽司另有一番風味。如果鍾意吞拿，佢地一款可以一次過試晒4款吞拿魚的壽司，可以一次過試晒和比較四種油脂部位。🔶特大牡丹蝦壽司 $55: 蝦夠大只, 好有質感, 味好濃郁, 味鮮美.🔶火炙三文魚壽司 $18(2件): 好抵食！三文魚火炙好有油香。 🔶特上三文魚籽軍艦 $24：鹹度岩岩好，有時食三文魚籽會過鹹，呢件唔會。🔶三文魚刺身 $25 (二切)：厚切肥美，呢個價錢無得輸。兩個人食到飽一飽