薯仔屋電影餐廳

營業中

休息中

話說柴灣 Cinema City 隔離有間薯仔屋電影餐廳，價錢唔貴選擇多，而且味道都唔錯，加上去電影主題嘅裝修都幾有得意，平時我同屋企人去睇戲，都會去呢度醫肚先 😋 難得放假無出街，熱熱地就同媽媽出去食個 tea 再睇套戲消下暑 😆西多士配軟雪糕 + 薯餅厚厚嘅西多士勁香雞蛋味，個邊脆脆地入面 d 飽好鬆軟唔會乾，金黃色嘅西多士炸得好靚 😍 加上朱古力醬已經好好味，唔會好漏 😋 薯餅又炸得好脆 👍🏻 最驚喜係兩樣炸物都唔會油淋淋，平時麻麻地薯餅嘅我食到停唔到 🤤 加埋軟雪糕，成個餐好豐富 👏🏻心太軟配軟雪糕即叫即製嘅心太軟朱古力味極濃 😍 熱辣辣切開 d 朱古力係咁流出黎好治癒 🤤 香濃得黎唔會太軟，再配多個軟雪糕好滿足 😆跟餐仲有野飲，我叫左杯即磨咖啡，啡底帶甘，質素都算唔錯！呢度嘅 tea set 其實仲有三文治、熱狗、pizza、焗薯、意粉同埋炸雞等等好多野揀 😍 價錢大約四十幾到六十鬆 d，份量又比想像中大，之前我地都係食 lunch 或者 dinner，今次試下 tea 原來 CP 值都幾高，以後懶煮飯可以過黎食 😆