巧　すしたくみ (已結業)

💡抵食高質日本料理同朋友係旺角行街，見到呢間新開，裝修以木系為主，而且價錢一啲都唔貴，食落仲幾高質。🍽巧 上壽司盛盒🍣 有8款: 赤身 油甘魚 墨魚 赤蝦 玉子 帆立貝(時令鮮魚: 鮫鰈魚 金目鯛 鯖魚 )估唔到壽司上面的刺身都咁大件，亦都好肥美。玉子好香蛋味，有少少驚喜。帆立貝鮮甜厚肉 赤蝦又幾鮮同嫩。另外壽司飯用赤醋同豉油調味過，所以食落都好夠味。🍽刺身盛盒🐠刺身好新鮮，當中包括有三文魚、帆立貝、赤蝦、時令魚2款等等。三文魚厚身得黎好肥美，油脂感滿分，食落去個感覺真係好滋味，帆立貝夠厚，好滑。赤蝦大隻得黎夠鮮甜。🍽牛肉烏冬🐂望落細細碗，以為得好少，點知份量都幾多， 牛肉有好多，質素都不錯，湯底好清甜，烏冬索曬湯底，好味道🤤🍽叉燒烏冬🐖叉燒有4-5片，雖然唔算好大片，但就幾入味，仲好軟淋。🍽唐揚炸雞🐓炸雞熱辣辣，仲要係好大嚿，外脆內軟，入面仲鎖住曬肉汁，非常juicy。