籠太子點心專門店 (已結業)

今次去咗銅鑼灣呢間點心店食晚餐！今次認真好推介首先呢間店嘅老闆娘真係非常好態度同服務！其次就係要講佢嘅食物！話說一行二人叫咗好多點心，有蝦餃、小籠包、奶皇包、燒賣、蝦春卷、釀茄子。🌻小籠包熱辣辣，皮薄餡靚，好多湯，唔講以為我賣緊廣告當我地想問佢拎彊絲嘅時候，我哋發現原來小籠包入面已經有！。。。。。。。。。。。。。。。。。。。。。。🌻蝦餃晶凝通透，皮薄，裏面係真係有好多蝦。。。。。。。。。。。。。。。。。。。。。。🌻奶皇包就更加唔使講，其實我真係好耐冇食過真流心既奶皇包了自己貪玩boomerang時仲辣親隻手添🤦🏻‍♀️🤦🏻‍♀️🤦🏻‍♀️可見佢係幾咁新鮮熱辣。。。。。。。。。。。。。。。。。。。。。🌻淨係睇相，係咪都已經覺得好特別！至少我未見過有鮑魚燒賣，鮑魚味道還OK，但係佢嘅燒賣入面真係用好多蝦肉。。。。。。。。。。。。。。。。。。。。。。以上呢幾樣係我特別鍾意食同埋特別欣賞嘅！總結其實呢間餐廳真係好抵食，未試過以呢個價錢可以食到咁高質素嘅嘢！