Wheatfield X 羅宋湯專門店 (東薈城) (已結業)

羅宋湯不嬲係香港熟悉既一種西餐湯，無論係食扒餐定屋企煲都一定有機會試到。而我更係羅宋湯既愛好者，所以對佢嘅質素一定有相對既期望！今次食到呢一間簡直係符合到我對佢嘅期望！❣️第一個套餐「全日自選套餐」（$82）呢個套餐分左三個step，首先揀湯底，而我就揀左海派羅宋湯，上面有好多牛腩，好軟滑，一啲都唔難咬，而家個湯好濃縮，睇得出落左好多配料去煮，而且件到間鋪一啲都唔吝嗇，比足甘多料你食。之後就揀麵底，而我就揀左螺絲粉，啲粉吸曬的汁真係好正！最後就係揀小食， 我揀左香煎薄牛柳，啲牛柳雖然睇落薄，但好重牛肉味，食落口感岩岩好！❣️第二個套餐「廚師推介套餐」（$88）呢個套餐一樣可以揀四款唔係既湯底，值得一提既係佢有溫馨提示湯底辣唔辣同除左牛之後，仲有得揀豬或者素既湯底，十分貼心！另外就係揀脆豬仔包，而我就揀左‘燒汁豬脾肉脆豬仔包’，豬仔唔會焗得太硬，脆度岩岩好，豬脾肉juicy唔會太乾，整體都唔錯！❣️飲品呢度除左平時常見既飲品之外，仲會見到係台式飲品店既飲品，例如四季春呢類型既茶，而我就嗌左杯芒果蘆薈紅茶，呢杯茶完全可以解膩同十分清新！